Tirkîya de hûmara domananê karkeran xeylê zêde ya û wexto ke beno hamnan, na hûmare vejîyena 2 qatê ci. Domananê karkeran ra yew zî Ferhato 14 serreyî yo. Ferhat zî mecbûr mendo ke nê emrê xo de qezençkerdişê pereyî bimuso. Ferhat ziqaqan de bi hêlaneka seyare ke birayê ci ey rê viraşta, zerrîya domanan weş keno. Ferhato ke qet nêşîyo lunaparke, bi hêzê polanê xo hêlaneka seyare tadeno. Ferhat dîyar keno ke wexto ke domanî hêlaneke wenîşenî zerrîweş benî, labelê o zaf betilîyeno. Ferhat pereyo ke qezenç keno, dano keyeyê xo. Xeyalê Ferhatî o yo ke bi hawayo bêsînor lunaparke de kay bikero…
JINNEWS / WAN