Yeno zanayîş, 25ê aşmê Hezîranê 2012’ ra nat şarê Kurd bi name Qêy-seba- Ocalan Azadî û Kurdîstan ra Statû” ”Dora Azadî”  daya destpêkerdiş.

”Dora Azadî” ver ”Meclîsa Konseya Ewrûpa” yena girewtiş. Her hewte yew kom ”Dora Azadî” dewr gena.
No hewte ”Koma Çapamenî”, ”Dora Azadî” koma bajarê Graz ya Awisturya ra dewr girewt. Humarê ”Koma Çapamenî” hewt hevalîya.
Di heval, hevalê ciwanê cîniyê. Yew heval name aye Hevala, yew heval zî name aye Rojîna. Heval bîn zî camerdî yê. Nê hevalî yew heval eza, Hevalê Memed Direwş,Hevalê Bariş, Hevalê Cewahîr, Hevalê Erdal o.
Ma, her roj sere sibe saet 6 û 30 de ayê benî, areyê xo kenî. Saet 7 û 15 de nişenî erebe şinê cayê çalakî yanî ver Banê Konseya Ewrûpa. Ma destpêke mase xo nanê ro. Bilbardê xo ca kenî. Îşlekanî ke ser “Qey Ocalan Azadî” ameyo nuştiş kenî xo. Dora xo genî. Ma miyanî rojî de hem vilavok û kîtap vilakenî hem zî îmza kom kenî.Seba vilavok û îmza komkerdiş gurîyê zaf kewno her di hevalî cîniyan ser. Her di heval ziwanî fransî weş zanî. Însanan ra rehet qise kenî. Tayî zî şîrînî. Heval Drewş zî ziwanê fransî zano la qase her di hevalê cîniyan nîzano. Hevala Rojîn ma hemin ra zafer îmza kom kena. Ma miyanê xo de qise kenî û ma vanî kome ke heta nika ameye gurî kerda,  gera ma înan heme ra zafêr îmza kom bikerê. No hete ra heme heval wayîrê qerare ke xurtî. Ma, perey xeylê îmza kom kerd. Ma zaf vilavok û kîtap zî vila kerdî. Hedefe ma aye bi rekorek  îmza biyero komkerdiş.
Tabî wexto ke ma no çalakî kenî, ma beyntare xo de ser tekoşîna Kurdan zî qise kenî. Hevalê ciwan ze Heval Erdal, Heval Bariş û Heval Cewahîr bi rîyê huyayî û zerre  germ sohbet kenî. Wazenî xebatek xurttir bikerenê. Heval Bariş hem karê çalakî keno hem zî qey rojname Ozgur Polîtîka roportajon amede keno û fotraf anceno. Her heval hem karê çalakî keno hem zî karê rojnamagerî keno. Hetê karê rojnamegerî de en zaf Heval Drewş wistayo. Emro xo dayo rojnamegerî. Azadîyê Welat ra Pîne, Pîne re Medya Tv û Roj Tv, Radyo ya Dengê Mezopotamya, uca ra heta Nûçe TV hema hema heme xebatê çapamenî de ca girewto. Nika zî çalakî ya ”Dora Azadî” de rojnamegeriya xo dano qisekerdiş
Hevale ke zerre çalakî de ca genî wayîrê hunerê hinayê.La heme heval wazene ke Rêberê Şarê Kurd Abdullah Ocalan wextê lez de azad bibo. No waştişê Şarê Kurdanî yo zî. No hetê ra bawerîya komê ma zaf xurta.  Hevalê ke ziwanî fransî zî nîzanî bi dest û rîyê xo ê huyayî şarê fransa û zîyaretkarê Strasburg ra eleqê virazenî. Eleqê şaran  zî gird o. Eger ma heta nika Tekoşîna Azadî ê Şarê Kurd, şarê bîn ra yew bi yew bidenê naskerdiş ê rewşa ma holêr bibenê. Karê hina dîplomasîyê zaf hîra ya. Werre ke ma xebatê hina rêwra bikerdenê.
Ma hina bikerdenê biyenê ke heta nika Rêberê Şarê Kurd Ocalan azad bibenê. Bi azadîyê Ocalan ra Kurd û Kurdîstan zî azad bibenê. Na raştîyekî ya. Seba nayê hewce kena heminê Kurd xebat bikerenê û bi vajenê ”Seba Ocalan Azadî û Kurdîstan ra Statû” îmza kom bikerenê.