Raşteyê ZAD’î (Raşteyê Pawitişî) raşteyo ke mîyanê daristanê Sîvensî de yo û no raşte her ke şono hera beno. Yeno zanayîş ke endamê ZAD ê aşmê verî de Notre Dame des Landesî de îzehetekî daybî û îzehetê xo de semedo ke şarê Kurd silam bikî, ‘xoserî’ îlan kerdbî. Babete sero azayê ZAD’î Sadik Çelîk qalîkerd.
Çelîk ciresna ke ê kesê ke wazenî raşteyê cuyayîşê înan bigirî bin kontrolê xo xover danî û wina verdewam kerd: “Ma dijî nê zîhnîyetan bi awankerdişê meclîsê gird û grubê şenik xo bi awayo verardkî rayvist kenî û no grubî zî verpersîyarîya nêy raşteyan gênî ser milê xo. Ma hetê rayvistkerdiş, tip, temîrat, hiqûq, înşaat, zîraet û sewbîna de xo rayvist kenî û ma koxan awan kenî. Nêy koxan de camêrdî nêeşkenî bidekewî yê koxanê cenîyan. Nêy koxan de cenî bi xo biranê xo gênî. Mîyanê ma de her fikirî ra merdimî estî.”
Çelîk dergeyîya qalîkerdişê xo de vat ke ê verîya nika zî Notre Dames de Landes de semedo ke şorişê Rojawanî ra hetkarî bidî otonomî îlan kerdo û wina peynî kerd: “Ma îzehetê xo de hêrişê ke bi emrê serekkomarî dest pê kerdbî û dijî nêy hêrişan de xoverdayîşê şarê kurdî silam kerdbî. Ma semedê dinyayeke cîya, berdelê ci çi beno wa bibo, do têkoşînê xo bidî. Ma semedo ke xo destê nêy zilmkaran ra bixelisnî, lazim o ser bikewî. Semedê no zî lazim o ma banderbîyîşanê xo ra xo bixelisnî.”
STENBOL