Bi vengdayîşê platformî bi hezaran kesî vernîya Garê Trenî de ameyî têhet û bi qalîkerdişê tirkî û almankî planê hukimatê AKPe şermizar kerdî. Çalakîye ra xeylê dezge û rayvistişî paştî dayî. Dezgeyê sey NAV-DEM, DÎDF, AGÎF, KOMKAR, Însîyatîfê Şarê Kurecîkî û ATÎK bi pankartê xo beşdarê çalakî bî û ver bi navenda şaristanî ra meşîyayî.
Çalakî de ser nameyê platformî ame vatiş ke “qetlîyam û surginê ke dîrok de elewîyan ser o ameyî kerdiş, eyro roj zî Pazarcixî de wazenî bikerî. Serra 1978’î de Gurgum de hêrişê ke hetê dewlete ra ameyî viraştişî de bi seyan elewîyî ameyî qetilkerdiş û mal û milkê înan ameyî desteserkerdiş. Nika zî dewleta tirkî heman hedreyîyan kena û wazena bi destê AKPe bikera. Hukimatê AKPe wazena seba DAIŞijan kamp biviraza û bi no hawa elewîyan ser o gefan wenî. Çeteyê ke hetê hukimatê AKPe ra ameyî miqatekerdiş, nika zî wazenî bi destronayîşê ser malê elewîyan û çeteyan tîya de ca bikerî. Çimkî cayo ke 3 hezar elewî tede cuyenî ra 27 hezar kesê sunî yenî bicakerdiş.”
DUISBURG