Wendekara qursî û Hemseroka NCDK Ayten Aslaner vist vîrî ke rîwalo ke ma û pîyî zonê xo nîzanê, nêşkenê eve domananê xo ra eve zonê xo de qisey bikerê. Aslaner serva ravey berdisê zonî hayr ant muhîmiya qursî ser û waşten kerd ke gureyînê hinayî komeleyanê bîn de kî bîrê dayen. Hemserokê bîn yê NCDK û wendekar Haydar Arslan'î kî ard zon ke îye nîwazenê ke no zon ver çimandê înan de vindî bibo. Arslan'î aşkere kerd ke, gune herkes wayrê zon, kultur û kamîya xo bivejyo.
Qursî ra heyecan cêna
Wendekara tewr qijkek Reyna ya 7 serrî ke wazena eve zonê xo kalikê xo reyde qisey bikero kî dersanê kirmanckî ra eleqeyê gird damusnena. Rayna ana zon ke a qursê kirmanckî ra heyecanê gird cuwyena. Komeleya Dusseldorf de herzewbîn roza Yewşem kî qursê kirmanckî û qursê folklorî kî yenê dayen. Qursê kirmanckî roza Îne seat mavêna 18.00-19.00 de adresê Eller Str. 192 de Navendê Civaka Demokratîk yê Kurd de yeno dayen.
DUSSELDORF