Bi rojan o ke kurdî û dostê înan seba Mîtînga Dusseldorfî amadekarîyan kerdênê. Bitaybetî 43 sazî û dezgehê kurd, tirk, armenî, asurî-suryanî, almanî û sewbîna amadekarîya mîtîngî kerdênê. Seke yeno zanayîş hîna 2 rojî mîtînge rê mendbî, polîsê almanî posterê Rayberê Şarê Kurd Abdullah Ocalanî û sembolê kurdan qedexe kerdbî. Labelê kurdê ke Fransa, Îsvîçre, Belçîka, Hollanda, Avusturya û sewbîna welatan ra ameybî, pey pankarta ke ser o ‘No Pasaran’ ameybî nuştiş kom bîyî û bi hezaran posterê Ocalanî û bi sloganê ‘Bicuyo Rayber Apo’ dest bi meşîyayîşî kerdî.
Herçiqas ke polîsan seba astengkerdişê çalakîye hêrişê çalakgêran kerd zî, çalakgêrî bi hawayo qerardarî domnayî û nizdîbîyayîşê dewleta almanî zî ame şermizarkerdiş. Mîtînge bi slogananê ‘Wa bicuyo Rayber Apo’ û ‘Wa biqehrîyo faşîzm’ qedîya.
Heto bîn ra Tevgerê Ciwanê Welatperwerî yê Kurdistanî û Cinîyê Ciwanê Şorişgêrî qezaya Ranya ya Silêmanî de seba ke tecrîdî protesto bikerî, rayîrşîyayîşo meşaleyin viraştî. Ciwanan rayîrşîyayîş de sloganê ‘Vera faşîzmê dewleta tirkî de sere wedarne ke wa çareserîye bêro’ û ‘Seba Rayber Apoyî sere wedarne’ eştî. Dima ra ciwanan îzehet dayî çapemenîye.
DUSSELDORF