Bîlge vat ke îdarekarê Komara Tirkîyaye bertek nîşanê Esad ke dijî şarê xo şer dabi destpêkerdiş daynê la nika dewleta tirk bi xo dijî kurdan şer dayo destpêkerdiş û wina verdewam kerd: “Eyro Tirkîya, Erebîstana Siûdî, Îran û Iraq zî wazenî Rojhelato mîyanên de fikr û mezhebê xo heme kesan ra bidî qebulkerdiş, çi destê înan ra yeno, kenî. Tirkîya dijî şarê kurdî şerêkî dayo destpêkerdiş, la kurdî zî misilman î û kurayê Quran û Îslamîyetê Hz. Muhammedî de çîyo inasarên nûseno.”
DIJÎ HOMAYÎ VEJYENÎ
Bîlge dergeyîya qalîkerdişê xo de vat ke çinîkerdişê kurdan yeno manaya vejyayîşê dijî Homayî û wina peynî kerd: “Ê ke bîyîşê kurdan qebul nêkenî ti eleqeya xo bi Îslamîyetî çin o. Kurdbîyîşê ma qebul nêkerdî û goreyê fermanê Homayî tênêgêrîyayî. Homa vato ke “Ma şima sey şar û qebîle xelq kerd ke şima yewbînan nas bikerî” Ka naskerdişê yewbînan? Hz. Muhammed ashabayanê xo ra vano: ‘Ger ke miletêkî dijî miletêkî bîn warişt pay aye wext şima zî dijî miletê hêrişkar şer bikê.’
ANF/ÊLIH