Di Xozata Dêrsimî de malbatê Canan û Baran ra 24 kesî peynîya terteleyê dewa Karapinara Xozatê de ameybî defînkerdişî.
Peynîya serran sifteyin bi biryarê dadgehê di dewa Karapinarê de kendiş ame kerdiş û peynîya kendişî zî 12 merdim ra aît qafî vejîyaybî. Bi no kendişî hewna rojdemê Tirkîyayê ra Terteleyê Dêrsimî ame.
Kiştî dereyan ra eştî
Peynîya kendişê vejîyayişê qafan êdî şerto ke dewleta tirk Terteleyê Dêrsimî de rî bi rî bêro. No terteleyê ra şahîd 92 serra Îmoş Bakiray, ser terteleyê qise kerd.
Bi dîpçîkê tifingî
Bakiray vat ke dema Terteleyê Dêrsimî lejkerê tirk kam verê înan biameynê doman, extîyar nêewnîyaynê her kesî bi dîpçîkê tifingan kiştî û peynî zî dereyan ra eştî.
Bakiray wina vat: “Dêrsimijî ke terteleyê ra xelisyayê, hewna tepa agêrayaynê warê terteleyê û merdeyê daynê axê. Sifteyin lejkeran amey dewan û dewan vila kerdî. Ma zî no ser nêçare dewa xo terk kerd. Lejkeran muxtaran rey de ameynê têhet û vatê; kam wayîrê çekê se ma ra bimojnê. Dema ke muxtaran banê ke nîşan bidaynê no demî lejkeran nê kesan berdî Koyê Sipîyî û peynî înan qetil kerdî.”
Esteyê xo wazenê
Bakiray îzeh kerd ke di zaf hûmarîy de komgoristanê binê ya bendawê mendî ya zî binê robara Munzirê mendî.
Bakiray a û malbatê xo bi remayişê daristanan xelisyay û wina dewam kerd: “Dema terteleyê çew ra merhamet nêmojnay û heme qetil kerdî. Ez nika persena ma dewleta tirk ra çi kerd ke ser ma polîtîkayê terteleyê şuxulna.”
Bakiray wina peynî kerd: “Dewleta tirk bi hezaran qetil kerd la belê goristanê nê kesan hema zî çin o. Êdî dewleta tirk fek çekûyê serehewanayiş ra vera bido, dewleta tirk ser şarê Dêrsimî terteleyê şuxulna.”
DÎHA/DÊRSIM