MIHEMED HESEN / ROJNEWS / QENDÎL
Nê rojê ke germîya hewayî zêde bena de, Binarê Qendîlî de wisar yeno cuyayene. Herçiqas ke Başûrê Kurdîstanî de germê hamnanî xo nîşan bido zî, hîna newe wisar ameyo Binarê Qendîlî. Vewra Koyanê Qendîlî ser o helîyena û helîyayîşê vewre ver çimeyê awe pir bîyî. Reyna vengê heywanan û rengê vilikê ke akerdî dîmenê zaf weşî vejenî orte. Koçerî serê sibayî rew werzîyenî zozanan û heywananê xo çerênenî. Dima ra şitê heywanan doşenî û seba ke betilîyayîşê xo derbaz bikerî, adir veşnenî û çaya xo dem kenî.