Dosyaya deqkerdişî ke mulakatê tayînbîyayîşê mudurîye ra ver hetê Egîtîm Bîr Senî ra erşawîyaybî Mudurîya Perwerdeyo Mîllî yê Hezro, hetê Egîtîm Senî ra amebî deşîfrekerdiş.
Na dosyaya deqkerdişî de derheqê puanê ke namzedî bigîrî ra heta fikrê înan xeylê malumatî tede estbîy. Reyna na dosyayan de vernîya nameyê namzedan de nuşteyê sey ‘zaf jîhatî yo, feydeyê ci ma rê zaf o, endama ma ya newe ya, Egîtîm Sen ra derbazê ma bîyo/a’ û sewbîna nusenî.
Babete ser o Hemserekê Hûmara 2yî ya Egîtîm Senî ya Amedî Recep Şîmşekî qisey kerd.
Şîmşekî va ‘îqtîdaro sîyasî serrêk ra zêde yo ke Egîtîm Sen ser de zextan zêde kerdo. Egîtîm Bîr Sen seba ke endam qezenç bikero, mamostayan rê îdarekarî pêşnîyaz keno. Çend rojî ver seba hetkarîya mudurîye mulakat ame viraştiş. Goreyê malumato ke ma girewto, endamê Egîtîm Bîr Senî puanêko berz girewtî. No yeno na mana; do heme îdarekarî bibî endamê Egîtîm Bîr Senî. Dosyaya deqkerdişî erşawitî Mudurîya Perwerdeyî yo Mîllî. No problemêko gird o.”
AMED