Parlamenterê HDPyî Murat Sarisaço ke 8ê Adare ra nata awanîya HDPyî de grevê vêşanîye de yo, derheqê xoverdayîşî de qisey kerd. Sarisaçî va ‘Ocalan tena şexsêk nîyo’ û wina domna: “Birêz Ocalan mîyanê kurdan de sey rayberî yeno qebulkerdene û hetê bi mîlyonan ra sey îrade ameyo qebulkerdene. Grevê vêşanîye vera sîstemê bêhuqûqî de ameyo destpêkerdene. Nika 15 çalakgêran çalakîya xo açarnaya rojeyê mergî. Eke çalakwanî wina kenî, o wext ganî ma xo çim ra derbaz bikerî. Yanî çalakwanî wazenî vajî ke êdî înan wezîfeyê xo kerdo, dore yê ma ya. Na merhale de êdî cayê vatişî nêmendo. Wextê çalakîyan o.”