Dewleta tirk û çeteyê ci badê ke Efrîn dagîr kerdî, vera sîvîlan de wehşetê xo domnenî. Şerwanê YPG û YPJyî zî vera nê çeteyan de çalakîyan virazenî. Şerwanan merhaleyê dîyine yê Xoverdayîşê Seserre yê Efrînî de mîyanê hewteyêk de 8 çalakîyî viraştî. Ame musayîş ke netîceyê çalakîyan de xeylê çeteyî ameyî kiştene û birîndar bîyî. Heta nika qezaya Şêrawa de 3 çeteyî, dewa Xalta ya merkezê Efrînî de 12 çeteyî ameyî kiştene.
Goreyê îzehetê Hêzê Sûrîyeya Demokratîke (HSD) roja ke vera Efrînî de hêriş û dagîrkerîye dest pêkerdî ra nata, pêro pîya 2 hezar 479 leşker û çeteyî ameyî kiştene. Yewîyanê YPG/YPJyî ra fermandarêkê dîyar kerde ke ê leşker û çeteyê ke zulmê şarî kenî, taqîp kenî û înan ceza kenî.
ANHA/EFRÎN