Hepsîyê ke vera tecrîdê Îmrali de grevê vêşanîye de yî, mektûbêk erşawitî û qala zext û tedayan kerdî. Hepsîyan ra Yasîn Yilmaz, Sedat Can, Îlyas Yildiz, Orhan Tekîn û Serhat Çakmak ke Zîndanê Patnosî de vera tecrîdî de grev de yî, derheqê zext û tedayan de mektûbêk nuşte.
Hepsîyê ke 1ê Adare ra nata grevê vêşanîye de yî, mektûbe de dîyar kerdo ke bin nameyê sehnayîşî de her tim erzîyeno koguşanê înan ser û da zanayene ke eke çîyêk bêro sereyê înan ser, berpirsîyar mudiro yewin yê zîndanî yo.
Hepsîyan dayo zanayene ke kesê ke grevê vêşanîye de yî hucreyanê yew kesî de manenî û wina vato: “Bin nameyê sehnayîşî de erzenî koguşanê ma ser û kel-melanê ma vila kenî. Îdareyê zîndanî bi nê kerdişanê xo hewl dano ke ma texrîk bikero. Na rewşe her roje yena cuyayene. Ê se bikerî zî ma do xoverdayîşê xo bidomnî. Xoverdayîş her wextî ra hîna bihêz dewam keno. Ma silamanê xo xoverdayoxanê grevê vêşanîye, rojeyê mergî û şarê xo rê erşawenî. Wa şikê ti kesî çinêbo, ma do qezenç bikerî.”
MA / STENBOL