Zext, îşkence û neheqîyê zîndanan her ke şono zêde benî. Ame musayene ke Zîndanê Tîpa Fyî yê Edene de, hepsîyê bi nameyê Fîkret Kara û Hakan Încî hetê ekîba bi nameyê ‘hêzo amade’ ke 20 kesan ra pê yena ra ameyî derb kerdene.
Dayîka Fîkret Kaya ke cezaya muebedî girewto, Naîme Karaye daye zanayene ke lajê ey vato ke înan ser o îşkenceyê psîkolojîkî û yê fîzîkî benî. Dayîke Naîme Karaye qiseykerdişê xo wina domnaye: “Seba ke heme heqê hepsîyan gîrîyenê binê lingan, lajê mi û embazê ci wayîrê heqanê xo vejîyenî. Ê çend wayîrê heqanê xo vejîyenî, îşkence zî hende zêdîyeno. Tewr peynî zî lajê mi û embazêkê ci hetê ekîbêka taybete ra ameyî derb kerdene. Esteyê lajanê ma şikitî. Darbanê xo ra nêşkenî miqat xo bî.”
Dayîka Hakan Încîyî Kader Încîye zî ard ziwan ke lajê aye vato ke ekîba ke 20 kesan ra pê yena, bi çuweyan hêrişê înan kerdo û înan erdî ra kiranta.
ANF / EDENE