Ferat Demîroglu da zanayiş ke ê dijî awanbîyîşêke heremê kesk ê yenî viraştişî yê û wina vat: “Wa baxçeyê Hewselê xozayî bimanî û hetta destê înan ra bêro se seserrê verê senî bî se, do bîyarê eynê rewşê, ê dijî awabîyîşek ona yê.”
Meclîsê ekolojîyê
Demîroglu vat ke 6 aşmo ke zey Meclîsî xebatê ekolojîk aver benî, gelek meclîsê ekolojîk sewbî şaristanan de amey akerdişî. Xebatê awankerdişê meclîsê ekolojîk domyenî, ê dijî projeyê Newala Dîcleyê vejîyayî û baxçeyê ke bi qasî dîroka Amedê kanî noca de est î, dinyayê baxçeyê zey Hewselê yê xozayî çin î û Baxçeyê Hewselê, baxçeyê şaristanê yê xozayî yê.
Demîroglu destnîşan kerd ke projeya Newala Dîcleyê vînayê û wina vat: “Wezaretê Şaristanî û Dorûverî nika ser projeyekê xebityeno. Projeyê de planê zeykê kuluba estorwanîyê û sewbî est î. Amedî de rewşa komeleyî û ekonomîyê yenî zanayişî, nê projeyê Hewselî de nêbenî. Nê projeyê bi fikarê bazîrganîyê yenî viraştişî. Vanî; guya rayîrê bîsîkltan do bibî. Dijî no vatişî zî Kuluba Bîsîkletê ya Amedî aşkera da û vat ke ê parkurê nêwazenî. AKP no projeyê de armancî bazîrganîyê keno. Viraştişê rayîrê bîsîkletê yena vateya viraştişê ocaxê çay û kafeyan.”
ANF/AMED