Seba weçînayişê 7’ê hezîranî di Ewropayî de 8 gulanê de raydayişê dest pê kerdbî û hema zî di Ewropayê tay welatan de raydayişê domyeno la belê hema zî weçînitoxeke şîyê ser sindoqê ray şuxulnayê hûmarê înan zaf tikey o.

Federasyona Yewîtîya Elewî yê Swisreyê seba hetkarîdayişê HDPî biryar girewtbî, peynî biryarê fedarasyonê di pêroyina Ewropayî de sazîyê elewîyê zî biryar girewtî ke HDPî ra hetkarî bidî. Di Ewropayê de raydayişê rê rojê kilm mend, no ser zî serekê Federasyona Yewîtîya Elewî yê Swisreyê Cem Bîtnel qise kerd.


Wastişê Elewîyan

Bîtnel vat ke sazîyê elewîyê rayvistişeke bawerîyê, hetanê nika elewîyan ser polîtîkayê tertele û asîmîlasyonê amey şuxulnayişê û elewîyan zî seba pawiyayişê heqê xo û bawerîyê xo sazîyan înşa kerdî û çarçiweya no pawiyayişê partîyan reyde kewenê mîyanê têkilîyê, seba têkilîyê hetanê nika CHP û HDP reyde pêvînayiş viraştî û wina vat: “Ma pêvînayişeke viraşt ma şeffafî endamê xo reyde zî pay kerdî, CHP ra raygez û polîtîkayê HDPî seba elewîyan hîna demokratîk ameyê û no ser zî ê biryar dayî ke HDPî ra hetkarî bidî.”


Bi HDPî meclîs ra 

Bîtnel ciresna ke teberê HDP, sewbî partîyan tena vatê bêrê binê banê ma de yew bibî, tena HDP elewîyan zey elewî qebul kerdo, no zî seba elewîyan zaf bi muhîm bî û elewîyan nika zereyê HDPî de bi rengê xo ca gênî. 

Bîtnel wina dewam kerd: “Beyannameya HDPî elewîyan hetanê nika çi waştî se heme est î, teberê HDPî qet yew partî beyannameyê xo ra waştişê elewîyan nêronaybî. Dewletake AKP îqtîdar o û nê waştişê elewîyan yew partî beyannameya xo ra ronaneno se, no yew serkeftî yo la ma zî zanenî ke ona rehet nîyo. Ma bawerî ke elewîyan do HDPî ra wayîr bivejî. Seba demokratîkbîyîşê Tirkîyayê şerto ke HDP bendê weçînayişî bivîyaro. Hem CHP hem zî MHP ferq kerdî ke ganîyo HDP Meclîsê de cayê xo bigêro la îtîraf nêkenî. Bi HDPî do heme şarê bindestê Meclîsê de cayê xo bigêrî û bêrê temsîlkerdişî.”


Dengdayişê weçînitoxê HDPî yê Swîsreyê de dewam kena

Raydayişê weçînitoxê HDPî yê Swîsreyê de cuyenî, bêmîyan domyena. Bandora omidê HDPê mîyanê pêroyina beşê komeleyê de afirandîya, coşa weçînitoxê ser sindoqan rayê xo bikar anenî de, yena vînayiş. 

Seba weçînitxoê 7’ê hezîranî yê di vakurê Kurdistanê û Tirkîyayê, raydayişê weçînitoxê Ewropayê de dewam kena. Weçînitoxê Kurdistanî û Tirkîyayijê yê Swîreyê de cuyenî, konsolosxaneyê Zurîch, Cenevre û Bernê rayê xo bikar anenî. Hûmarê weçînitoxê heta roja ewro şîyê ser sinoqan binê bendewarîyan î. Balkêşo ke pêroyina weçînitoxê noca de rayê xo bikar anenî, weçînitoxê HDPî yê. 

Seba betlaney peynîya hewteyê, weçînitoxê goreya mîyanê hewteyê peynîya hewteyê de zaftir şîyê ser sindoqan. Danê sibeyê ver konsolosxaneyê Cenevre, Zurîch, Bernê de rêzê der şîbî. Nê deveran de raydayişê weçînitoxê HDPî dewam kenî. 

Gelek hilbijêrên ku heta roja îro tercîha xwe ya siyasî ji partiyên cuda re kirine, li ser sindoqan vê carê dengê xwe ji bo HDP’ê bikar tînin. Van hilbijêran dan xuyakirin ku derbasbûna HDP’ê ji bendê ji bo pêşeroja gelên Tirkiyeyê gelekî girîng e û destnîşan kir ku hemû partiyên heta roja îro hatine ser desthilatdariyê, pêşeroja gelan ber tarîtiyê ve dehf dane. Elewî, Suryanî, Tirk Kurd ji her derdorê hilbijêr dengê xwe didin HDP’ê. Bang tê kirin ku ev hefteya dawî ji bo dengdayînê baş were nirxandin.  


 ANF/ZURÎCH 



DEM-NED: Wa kurd, ermenî, tirk û suryanî rayê xo bidê HDPî


DEM-NED veng da şarê kurd, tirk, ermenî û suryanî yê di Hollandayê de cuyenî û vat ke 29,30 û 31’ê gulane de rayê xo bikar bîyarê. Konseya Komeleya Kurd a Demokratîk a Hollandayê (DEM-NED) aşkerayek nuştî da û vat ke bikarnayişê rayan Devenger û Den Haagê de pê yena û keye nişana bikarnayişê rayan Volmerlaan 12, 2288 GD Rîjwîsk û li Deventerê zî De Scheg Pîet Van Donkpleîn 1 7422 LW Deventerê pê bêro. 

Verdewamîya aşkerayî de wina ame vatiş: “Astengî û hêrişê ver HDPa ke serî de bîyo omidê şaran, her ke hetkarîya girseyan seba seba a gird bibo, ê zî zêde benî. Heme hêrişê bombeyî, çekdarî, gef û binçimgirewtişan, omidê seba HDPê roj bi roj gird bena. Kurd û tirkê Ewropayî de cuyenî zî no omidê înan zaf bena. Rayê Ewropayî de yenî bikarnayişê gelek muhîm î. Rola nê rayan zaf muhîm o. Her rayek nirxa şima ya gird o. Ma veng heme kesî kenî ke mîyanê 29, 30 û 31’ê de şîrê ser sindoqan û rayan xo bikar bîyarê.”

Aşkerayê bal ame ser Serekkomar û AKPî û wina ame vatiş: “Serekkomar û partîya desthilatdarîyê heme sazîyê dewletê bikar anenî û no zî têr nêkeno, hêzê xorî yê dewletê kenî dewrê û hewl danî HDPê teberê Meclîsê bigêrî. Pêroyin heme hêriş û astengîyê dij demokratîk, heme şarê ma, ciyakarîyê ma yê azad û demokrasîyê pawiyenî dora HDPê bibê yew. Şarê ma bi înat vanê; azadî, aştî û demokrasî. Seba ke ma welatijeke, komeleyeke şîdet çin o, biciwî, wa ma rayê xo bidê HDPê. HDP omid, coş û hesreta şarê ma yê. Seba ma verî dîktatorîya bigêrî wa ma derfeta ke HDPê bibê Meclîsê waş binirnê. Ermenî, Pontus, Pomak, çerkes, kurd, tirk xirîstîyan, êzidî, keldanî, elewî, şîî, cenî seba cuyayişek newe awa bikerî, wa 23, 30 , 31’ê gulanê de şîrê ser sindoqan û rayê xo bikar bîyarê.”