HDP zey derman o
Welatij bi nameyê Alî Riza Harmancî ke esnaf o dîyar kerd ke gelemperî elewîyan her tim rayê xo daynê CHPî û vat ke bi vejîyayişê HDPî, HDP êdî bîyo omidê heme şaran. Harmancî da zanayiş ke bi danezana HDPê de zaf kêfweş bîyê û wina vat: “Hetanê nika tu partîyeke ona ser elewîyan nêvindertbî. HDP beyannameyê xo de qala cemxaneyê û heqê elewîyan kena, mîyanê namzedê HDPê de zî gelek elewî ca girewtî. Ma zey elewîyê Semsûrê HDPî ra omidar î û seba ameyoxê xo, ma HDP zey derman vînenî.”
Statuya cemxaneyî
Welatij bi nameyê Huseyîn Temel zî destnîşan kerd ke do HDP bendê seyî ra desî bivîyaro, sewbî rayê ci çin o. Temel aşkera kerd ke verê rayê xo daynê CHPê û wina dewam kerd: “Hetanê no emrê xo min rayê xo da CHPê la ez gelekî poşman bîya. Komarê ra hetanê nika pirsgirêk û serî de pirsgirêkê kurdan û elewîyan CHP çareser nêkerd. Min zî vat êdî ez qey rayê xo dana înan û ez ameya HDPî. Dem amin beyannameyê HDPê de nuştişê elewî û cemxane vîna ez gelek kêfweş bîya û ez ameya HDPî. Min vîna ke heqê elewîyan tena, na partîyê de yena şinasnayişî. Dema ez ameya, min vîna ke tena heqê elewîyan, heqê heme şaran bindest û mazlum yena pawiyayişî.”
DÎHA/SEMSÛR