CEBRAÎL ASLAN / PÎRHA / ANQARA
Demê peyênan de elewîyê binê zextanê girdan de yî û Cigêrayox û Nuştox Mehmet Bayrakî nê zextan ser o qisey kerd û vînayîşê xo pare kerd. Bayrakî va ‘çîyê ke benî nîşan danî ke elewîyî hîna azade nêbîyî, azade nîyî û nêşênî îbadet û erkanê xo bi hawayo azade bica bîyarî’.
Bayrakî dewamê qiseykerdişê xo de dîyar kerd ke bingeyê nê zext û tedayan heta wextanê verênan şono û wina va: “Ez nînan sey 7 Tyê bêoxir şinase kena. Nêyî heme erebkî de tedîp (bi rayîrê leşkerî edebdayîş), tenkîl (Cezakerdiş), takdîl (qetilkerdiş), tehcîr (surgunkerdiş), tensîl (asîmîlekerdiş), tendîl (medenîkerdiş yanî tirk û îslamî kerdiş) û tasfîye (çinîkerdiş).”
Bayrakî qiseykerdişê xo de va ‘Dewleta Osmanî ra heta Komare vera nasnameyê elewî û kurdan de zext û asîmîlasyonî ameyî bica ardene’ û wina domna: “Nê 7 Tyî hertim ameyî şuxilnayene. AKP hertim ser îslam û turbanî ra qala azadîye keno. Labelê seba elewîyan nê 7 Tyan rewa vîneno. Cok ra komelê elewîyan binê tehdîdêko gird de yo. Têkoşîno ke no oxir de bêro dayene, seba demokrasî yeno dayene yo.”