Qesrê Elo Dînoyî ke yeno vatiş seserra 16ine de ameyo viraştiş û nezdî dewa Bafî ya qezaya Hezexî ya Şirnexî yo, her ke şono zafêr yeno wêrankerdiş û nika zî bîyo hedefê defînegeran. Qesrê Elo Dînoyî, qeraxê Çemê Dîcleyî de yo, no ser bêwayîr mendo hema merdim bivajo tena dêsê ci mendê. Qesrê Elo Dînoyî ke her serre nê deman bi seyan kes zîyaretê ci kenê, emserre rîyê Vîrûsê Koronayî ser o tena û bêveng o labelê no bêvengî seba defînegeran bîyo firset, zereyê qesrî û dormeraya ci yeno kendiş û kelmelê înan ê kendişî zî uca de mendê. Elo Dîno kam o? Elo Dîno ke vera zext û zorîyê osmanijan û Mîr Mihemed ê seba bacî, ciwanan, Bafê de birêxistin keno û mucadele dano. Demêko nêzd de nameyê ci vila beno. Elo Dîno û embazê xo hetê dewe de qesrêk virazenê û mintiqa kewena destê înan. Elo Dîno xelekî erzeno zereyê Çemê Dîcleyî û keştîyê tîcaretî ra bacê gêno û peynîya demêko ciwanê dewe dormera ci de kom benê. Peynîya komployêk yeno hepiskerdiş la hewna zî hepisxaneyî de vera îşkenceyî de serê xo netewaneno, peynî rîyê îşkenceyî ra cuya xo dano. ŞIRNEX