Bektaş, o ke wextê do derg o verra nêweşiya qanser xover da, çar serriyo tedawiya kemoterapî dî. La çiheyf ke, rexmê na nêweşî, Bektaş’î weşiya xo kerd vinî.
Daîmî Bektaş kam o?
Daîmî serra 1972 de qezaya Dersim Pulemurîye de amo rîye dînya. Bi serano ke Berlîn de îkamet kerdê. Daîmî, ronayox û azayê Înstîtutê Ziwan û Kulturê Kirmancî-Berlîn (ÎKK) bî. Bi serran îdareyê ÎKK de, leyê hevalanê xo de ca guret û aktîf xebetîya. Lewê naye de oncîya o hem temsîlkarê kovara Vateyî yê Almanya-Berlîn’î bi, hem kî kovara Vateyî de ge-gane nusnêne. No kovarî de emegê xo zaf bî. Seba ziwan û kulturê xo xêle xizmetî kerde. Mordemê de zaf fedakar bi û na reye de kî canê xo feda kerd.
Resiya hardê xo
Merasîma cenaze yê Bektaş’î, 19ê aşmî de, cemxaneyê Berlîn de viraziya. Ma, bira, mordem, dost û cîranenê eyî ra piya bi seyan kes tewrê merasîm bî. Merasîm zê waştena Daîmî viraziya. Ebi kirmanckî dûwa û deyişan ra piya, derheqê kesayetiya ey de qesey amey kerdin. Cenazeya Bektaş’î rusiya welat û ewro Dersim de wedarîna.
Wa serreyê çêyê Bektaşan, heval û heskerdoxanê êy, nas û dostanê êy weş bo! Wa cayê xo kî wertê gûl û nur de bo!
WUSÊNÊ GESTEMERDE/BERLÎN