Li gorî çavkaniyên herêmî, hat ragihandin ku pêr êvarê li gundê Sifeya yê başûrê Hesekê di malekê de teqîn pêk hatiye. Hat destnîşankirin ku di encama teqînê de endamê Heyeta Şerîetê ya El Nûsrayê Rakan Ruşdî El-Zobei û 2 kesên din hatine kuştin û 3 kes jî birîndar bûne. Hat ragihandin ku birîndar rakirine bajarokê Til Birak. Hat gotin ku di nava kesên hatine kuştin de kesekî biyanî jî heye.

Çavkaniyan dan zanîn ku teqîn di mala kesê bi navê Ehmed Debaş El-Zobei de di encama bombeyeke ku bi destan hatiye çêkirin de rû daye.
Şervanên YPG’ê piştî ‘Operasyona Tolhildanê ya Şehîdên Tirbespiyê û Çilaxa’ ku li herêma Til Koçer li dijî komên çete dabû destpêkirin û windahiyên mezin dabûn van koman, wêneyên cebilxaneya ku desteser kiribûn weşandin. Di nava cebilxaneyê de 6 wesayît, gelek çekên cur bi cur, guleyên wan û hwd hene.

HESEKÊ