Heme endam û karkerê Sendîkaya Kedkarê TUM BEL- SENî yê ke girêdayeyê KESKî yî, seba ke 51 şaredarîyanê DBPyî qayûm amebî tayînkerdiş, nika bêkarî reyde rî bi rî yî. Badê tayînkerdişê qayûman 497 memur ameyî îxraçkerdiş, 150 xebatkarî ameyî dûrîvistiş û peymanê 130 karkeran zî nêame newekerdiş. Babet ser o Serekê Pêroyî yê TUM BEL - SENî Omer Salîh Erolî qisey kerd.
Erolî qiseykerdişê xo de wina va: “Qayûmê ke ameyî tayînkerdiş, endamanê ma ser de tedayan kenî û seba ke endamê ma îstîfa bikerî, zextan kenî. Ma na rewşe qebul nêkenî. Komîsyono ke hukmatî dîyar kerd û komîsyono ke qayûmî dîyar kerd qet derheqê endamanê ma de cigêrayîş nêkerdî û înan îxraç kerdî. Zaf embazê ma nêzanê ke seba çi yenî mehkemekerdiş. Ma nêzanî lîsteyê îxracî hetê kamî ra û senî yeno amadekerdiş. Mêrdîn de endamê ma yê nêweşîya rîşa medimwere kewto zî ameyo îxraçkerdiş.”‘
Ma qebul nêkenî
’Erolî qiseykerdişê xo de va ‘vera kesê ke ameyî weçînayîş de tayînkerdişê qayûmî, yena manaya derbe’ û wina qedêna: “Se beno wa bibo ma derbe qebul nêkenî. Ma vera sucdarkerdişê nasnameyan de yî. Kampanyayê sîyakerdişê nasnameyan, aştî nêano nê welatî.”n DÎHABER/ENQERA