Engîn Eroglûyo ke dewa Şorşwenkî ya qezaya Pulûrî ya Dêrsimî de 15ê Hezîrane de gama ke heywanê xo çerênayêne bibi vînî, 19 rojan ra dima meyîtê ey Torûnobaya qezaya Pulûrî de amebi diyene, vizêr dewa ci de ame definkerdene.
Cemxaneyê Munzur Baba yê qezaya Pulûrî ya Dêrsimî de seba Engîn Eroglûyî merasîmê cenaze ame viraştene. Parlamenterê HDPyî Alîcan Onlu, hemserekê şaredarîye yê qezaye, temsîlkarê rêxistinê cimatê sivîlî û xeylî hemwelatijî tewrê merasîmî bîyî. Merasîm ra dima Eroglû dewa ci Şorşwenk de ame definkerdene.
PÎRHA / DÊRSIM