HENAR ÎBRAHÎM / ANHA/ HESEKÊ
Rayberîya Xoserî ya Surîyeya Rojawan û Vakûrî aşkera kerd ke ê Fermandarîya QSDî ke destpê xebata yewîyeya netewa Kurd destpê kerda hetkarî dane. Verê heme xebatê ENKSî de astengî ameyê hawanayiş û seba gêrayişê heqîqatan zî komîteyêk awan bîyo.
Vera heme aşkerayan ENKS hetanî nika gamêk nêeşto û hetta astengî vejeno. Pîrê Aşîrê Hevêka Kurdî Silêman Şeto babete ser o vat ke çi heyfo ke mîyanê ENKSî de tay kesî seba menfaetê Dewleta Tirk xebat kenê û wina vat: “ENKS zaf bi pêameyişan giredaya Dewleta Tirk bîyo, no ser xoser nêeşkeno xebat biko. Yewîyeya Netewa Kurd, qerarê azadîya şarê kurd o. No ser zî heme waştişê partîyê kurd verê çiman bêrî girewtiş. Roj roja yewîyîye ya.”
Şeto aşkera kerd dewletê gird seba Surîye senaryoyan nusenê, eke heme kurd yew nêbî do nêeşkerî heqanê xo dest bikê û wina qedîna: “Hetê Mazlum Ebdîyî ronayişê însîyatîfî gamêka muhîm a. Heme partîyê kurd hetkarî dayê. Ganî şarê Kurd heme partîyan ra teda biko ke heme dormareya yew masa de biroşê.”