Hende wêne estî zî serekwezîr Ahmet Davutoglu vecyeno hemverî mîlyonan vano: “Weyra de sîvîlî nêamey kiştiş” Wekîlê HDPe Sîbel Yîgîtalp, Gulser Yildirim û Aycan Îrmez babete sero vînayîşê xo ardî ziwan.
Ma heyîrî mendî
Wekîla HDPe Sîbel Yîgîtalp ard ziwan ke ma verba manzaraya ke ma dî de şerm kerd û wina vat: “Ma hewldayîş û têkoşîna şarî dî. Aye merdimî ke semedê ke meyîtê înan boye nêdo, ma hewldayîşê înan dî. Ma rîyê şerî ya lêminî cuyay. Ma zaf rayan semedê ke cenazeyan bivecîy nêweşxaneye îdarekaran gêray, labelê semedê nînan destur nêame dayîş. Wexto ke ma semedê ke qedexeya vecyayîşî teberî hawanî wekîlan rey pêvînayîş kerdênê, polîsan gule ma sero varnay. Aye wextî de hêrişê yew keyeye kerdî û yew may semedê ke domanê xo bipawo, xo eştbî fîşekan ver û cuyeyê xo vînî kerdbî. Serekwezîr mîyanê çimanê mîlyonan kesî ewnêno û zuran keno. Bêrê tîya de şarî ra bipersê ka şar tîya de çi wazeno.”
Hewt roja ke tîya de yî
Wekîla HDPe Gulser Yildirim derheqê çapemenîya tirkan de ciresna ke çapemenîya tirkan nêy hewt rojan de çîyê ke tîya de qewimyenî nêveynena û wina domna: “Ma hewt roja ke tîya de yî û 9 roj tîya de kerdişê faşîzan ame viraştiş. Ma zaf çîyan ra bî şahid. Labelê çapemenîya tirke çîyek nêda. Wexto ke ma çapemenîya tirke ra ewnîyay ma merdimatîya xo ra şerm kerd. Na babeta wijdanî ya.”
Neşkenî îradeye bişiknî
Yildirim dergeyîya qalîkerdişê xo de wina vat: “Serekwezîr hewl da îradeya ke tîya de vecya teber hezey ke çinêbo bihesibno. Polîsê ci tîya de 23 sîvîlan qetil kerdî, labelê serekwezîr vano ke; ‘Sîvîlî nêameyî kiştiş’ madem sîvîlî nêamey kiştiş aye wext qey qedexeya vecyayîşê teberî nêame hawanayîş. Bi tank û topan şima nêşkenî îradeya şarî çin bikerî.”
AKP vinî kerd
Wekîl Aycan Îrmez bal ant ser weçînayîşanê 7’ê hezîranî û qalîkerdişê xo wina domna: “AKP 7’ê hezîranî de badê ke HDP bendê weçînayîşî vîyart ravêreyeyî xirab kerd û dest pê hêrişan kerd. Hêrişan de desan merdimê ma cuyeyê xo vînî kerdî. Wexto ke AKP fam kerd ke no şar hemverê çîyek milê xo çewt nêkeno, aye wext Cizîre de bira qedexekerdişê vecyayîşê teberî da. Taybetî vatişê AKPe ke vana HDP huzirê şarî remnena, nîno qebulkerdiş. Ma zaf rayan gêray labelê walî û qeymeqam nêvecyay telefonanê ma. Dewleta ke îradeya şarî nas nêkena hemverî ma de esta. Êdî heme dinya zana ke Erdogan kiştoxê domanan o.”n JINHA/ŞIRNEX