Konseyê Rayverîn ê TEV-DEM hewldayenê îşgalkarînê dewleta tirk ê Cerablus ser, nêrazîbiyayinê tûnî damusna. TEV-DEM îşgalkarînê dewleta tirk zey êrişê vera heme şaranê Rojawa û Surîye hesibna û bi ziwanê tûna protesto kerd. TEV-DEM eleqe ant komkiştenê dewleta tirk û çeteyanê ci, dewanê Cerablûs de viraşto jî ser û vat: Ma keyanê qurbanan rê serweşîn wazenê û soz danê ki, mayê wastena înan biyarê ca û ca û warê xo azad bikirê. TEV-DEM îşgalkarînê tirk jî vist vîrî û vat: Senî Yavuz Sultan Selîm 1516 de, b ilejê Mercîdabiqê bi zorna keverê Miyanê Rojhilatî akerd. Nika jî Erdogan"ê faşîst û dewleta tirk a îşgalkar, wazena eynî çî bikiro. TEV-DEM vera îşgalkarînê tirk, heme şaranê Rojava û Suriye ra wast ki, vengê xo berz bikirê.
Êrişî qebûl nêbenê
Heto bîn ra rayverînê Washîngton zî êrişanê cayanê sivîl yê dewleta tirk rê nêrazîbiyayin damusna. Vatoxê Wezîrîya Pawitenê yê Pentagon Peter Cookî vist vîrî ke hinî (endî) Cerablus de DAIŞ çinîyo û va lejê başûrê Cerablus qebûl nêbeno. Cookî da zonayen ke başûrê Cerablûs de DAIŞ çinîyo û wina va: “Tenya quwetê tirk, heveyê komê mûxalîfî û komê QSD estê. Ma veng danê pêrokîn aktoran û înan ra wazenê ke peynîyê lejî biyarê.
Tabûrê şoreşger
10 Tabûranê şoreşger ke zereyê Artêşa Sûrîyeya Azad (OSO) de ca gênê zî derheqê îşgal û êrişanê dewleta tirk yê Cerablûs de damûstayîn day û aşkere kerdî ke ê paşt danê Meclîsê Lejkerî yê Cerablûs û şarê Cerablûs. Tabûranê şoreşger day zonayen ke dewleta tirk mudaxaleyê hardê Sûrîye kerd, Cerablus îşgal kerd û dewanê Sirêsat û Bir Kûsa bombevaran kerd û aşkere kerdî ke netîceyê nê êrişan de cenî û domanan ra pîya bi desan sivîlan qetil kerd. Tabûranê şoreşger êrişanê dewleta tirk protesto kerdî û aşkere kerdî ke îyê dê cepheyê xoverdayişî de Meclîsê Lejkerî yê Minbicî het de cayê xo bigîrê. Tabûran bêvengîya sazgehanê mavên netewî û quwetanê koalîsyonî rê zî nêrazîbîyen damûsnay.
Meclîsê Lejkerî yê Cerablus zî bi damûstayîneke aşkere kerd ke seba pawitişhe weşîya sivîlan ê quwetanê xo ancenê başûrê Çemê Sacûrî.
NAVENDÊ XEBERAN