Roja Çarşem Stenbol de teyaregehê Ataturkî de hîrê çeteyanê DAIŞ êrişekê bi gonîn viraştî. Netîceyê êrişa gonîn de heta nika 44 kesan weşîya xo kerd vinî û bi seyan kes zî bî dirbetin.
AKP rê nêzarîbîyen
Zereyê kesê ke weşîya xo kerdî vinî de welatijê kurd Ertan An zî estbi. An roja ponşeme dewa xo Orcan ke girêdayê qezaya Dersim Pêrtag’a de ame definkerden. Merasîma definkerdenî de hêrs û xemgînî estbi. Malbatê Anî ra pîya parlementerê HDP yê Dersim Alîcan Onlu û xêlê kesî welatijî tewr bî.
Cenaze sifte bi slogananê “Şehît nêmirenê” berdîya keyeyê cem. Bado ke wecîbeyê dînî ardîyayî ca cenaze ser milan de bi slogananê “Kiştox DAIŞ pîyakar AKP” berdîya mezelxaneyê dew.
Wextê definkerden de malbata Ertan Anî zehmetî û tengîyê girdî ant, tabût virarde kerdî û ser de lorîyayî. Cenaze bi dûayan amê definkerden.
DÎHA/DERSIM