Nika di rojdemê Tirkîyaye de weçînayişê pêroyine est o la belê hukûmata AKPe zî di ravêreyeya aştî de seba gamnêeştişê ravêreyeya weçînayişê şuxulneno. Ravêreyeya weçînayiş û aştî ser rojnameger Ruşen Çakir qise kerd. Çakir dîyar kerd ke o zey yew welatij wazeno HDP bendê weçînayişê bivîyaro.
Çakir bal ant ser ravêreyeya aştî û wina vat: “Merdim ganî di na ravêreyeya aştî de nêzdîbîyîşê hukûmate ra nêewno û rixne nêkero. Wayîrê ravêreyeya aştî AKP nîyo, wayîrê na ravêreyeye kurd ê, di ravêreyeya aştî de esil aktor Erdogan nê Ocalan o û no ser zî ser Erdoganî ravêreyeya çareserî rixnekerdiş şaş o. Seba Tevgera Kurd no weçînayiş zaf bi avantaj o, raşto rîskê zî est o la avantajî ya hîna zaf o. Tevgera Kurd di Kobanê de verba çeteyê DAIŞê têkoşîneke dîrok da û no zî seba Tevgera Azad di weçînayişê de bî avantaj. Eke HDP do bendê weçînayişê biyaro do no demî di Tirkîyaye de zaf çik bibedilyo. Di no weçînayişê de hewna îdiaye CHP û MHP çin o la belê belkî seba AKPe îfadeya no weçînayişê bibo la heme nê averşîyîşê teferruat ê û esas mesele rolê HDP o.”
Ganî HDP bivîyaro
Çakir ciresna ke di Tirkîyaye de waştişê HDP a bendê weçînayişê, demokrasîya Tirkîyaye tewr muhîm mesele yo, ez hetanê nika her tim verba bendê bîyo, no ser zî ez nêeşkena bivaja no bend min elaqadar nêkeno û ganîyo ke HDP bendê bivîyaro û bi hêzê Meclîsê de cayê xo bigêro, çimkî di Meclîsê Tirkîyaye de cagirewtişê Tevgera Kurd zey awe şert o. Çakir vat ke demo ke o nuseno do HDP weçînayişê bivîyaro no demî vanê ti wazena HDP bendê bivîyaro, karêkê o keno eyb nîyo, vanê qey ti nêwazeno HDP binê bendê weçînayişê bimano û o zey yew rojnameger û welatij eke xizmet dayo se HDP bendê vîyaro, na rewş seba o çimeyanê rûmetî yo.
AKP nêeşkeno Tevgera Kurd reyde şer bikero
ÇAKIR îzeh kerd ke o tena seba ravêreyeya aştî nêwazeno HDP bendê bivîyaro, di Tirkîyaye de temsîlîyeta edeletî çin o, Tevgera Kurd di Tirkîyaye de tewr gird tevgerake dînamîk o, o bawera ke eke HDP bendê nêvîyaro no demî ravêreyeya aştî binê telukeye de bibo, no zî rewşa ke zaf bi xêrab o.
Çakir wina dewam kerd: “Êdî hukûmata AKP nêeşkeno verba Tevgera Kurd şer bikero, yanî hukûmat nêeşkeno verba Tevgera Kurd şer îlan bikero, Tevgera Kurd nêeşkeno verba AKPe şer îlan bikero. Êdî nê ravêreyeya şerî tepa de mendî. Êdî hukmê çekê çin o, belkî hema hêzê gerîla destê xo de çek tepişenê la Ocalan vat bike dema çekê peynî bîyo la di het zî ser masayê çekê seba xo şuxulnenî. Nika rewşa Tevgera Kurd rewşa bêhempa yo, raşt o maxdûrîyetan ame cuyayiş, êdî hukûmat zî zaneno bi çekê Tevgera Kurd zirar bido. Eke Ocalan destpê ravêreyeye nêkerdbî, no demî xoverodayişê Kobanê nêameynê cuyayiş, seba ke ravêreyeya çareserî est o Tevgera Kurd ona aktîf di heremê de têgerîyeno.”
Tewr peynî Çakir destnîşan kerd ke o qet îxtîmal nêdano ke HDP bendê weçînayişê bivîyaro.