Tirkîye de badê Qerarnameyê Hikmê Qanûnî ke badê îlankerdişê OHALî de ame vetiş de, weşanê 12 televîzyon û 11 radyoyan amey vindernayen û hetê RTUKî platforma TURKSATî amey vetiş. Êriş û sansûra AKP badê çapemenîya azad yê Kurdistan resya Awrûpa zî. Weşanê qenala kurdî ke bi tirkî weşan kerd Med Nûçe zî vizêr vindernîya. Seba ke Med Nûçe TV bîro giroten dewleta tirk Karsaza pêyka Fransî Eutelsatî rê zext kerd, Karsaza ûydûyan Eutelsat qora diyîn ferman rişt û Med Nuçe TV ra waşt ke roja Dişembe seat 10.00î de weşana xo vinderno. Çarçoveyê na fermanî de ekranê Med Nûçe TV vizêr seat 10.00’ de amey sîyakerden.
Gurekaranê Med Nûçe na qerar zey qerarekê bêhiqûqî û sîyasî biname kerdî nû nêrazîbîyen damûsnay. Emegdaranê Med Nûçe aşkere kerdî ke dûştê pêrokîn zext û zorvajîyan ê çokanê xo nêdanê ro û dê tekoşîna xo dewam bikerê. n BRUKSEL