Londra de kurdîstanijan û enternasyonalîstan dewleta tirke ya îşxalkere protesto kerde. Londra de rayberîya enternasyonalîstan de vera îşxalî eşkerayîya çapemenîye ameye kerdene. Eşkerayîye herêma Marble Arch de ameye dayene û hemwelatîyanê şaristanî eleqayêko pîl mojna ci. Çalakîye de vilawekê ke derheqê sucê şerî û hêrişê dewleta tirke de yê ameyî vilakerdene.
Selanik de anarşîstan ra seba Rojawanî çalakî
Şaristanê Selanikî yê Yewnanîstan de komanê anarşîstan bi armancê paştdayîşê xoverdayîşê Rojawanî xeylêk çalakîyî kerdî. Komanê anarşîstan şubeyê Mercedes Benzî dayî kerrayan verî, vilawekê bi nuşteyê ‘’Mercedes Benz, seba Erdogano ke hêrişê Rojawanî keno zaf pere û zirxîyan dano” derûdor de vila kerdî. Komanê anarşîstan çalakîya xo bi kamerayan girewte. Hetê bînî ra koman magazayê ke malanê tirkan roşenê kerdî hedef. Çalakîye de magaza ser o nuşteyê ‘’Rojawan bipawê’’ ame nuştene.
Şehîdê Rojawanî ameyî yadkerdene
Paytextê Awusturya Vîyana de semedê şehîdanê Rojawanî aktîvîteyêk şameye organîzekerdene.Yadkerdişo ke salona Fedarasyonê Karkeranê Tirkîyeyijan ê Awusturya de ame kerdene bi rêzgirewtişî dest pêkerd. Yadkerdiş de Temsîlkara Îdareyê Xoserî yê Rojawanî yê Ewropa Mizgîne Ahmed qisey kerd. Ahmede vat Rojawan xeyrê şehîdan payra ro û wayîrê têkoşînê şehîdan vejîyayîş wezîfeyê ma hemeyan o.‘‘
MERKEZÊ XEBERAN