10 rojî yo ke artêşa Tirk û çeteyê ci bi tanq, top û teyarayan hêrişê Vakur û Rojhelatê Sûrîye kenî û hewl danî dagîrkerîya xo awan bikerî. Heta nika bi desan sivîlî ameyî qetilkerdene û cayê sivîlan ameyî hedefgirewtene.
Vera hêrişanê dagîrkerîye de bitaybetî welatanê Ewropa de bêmabên çalakîyê protestoyî yenî viraştene. Roja ke hêrişî dest pêkerdî ra nata Ewropa de Kurd û dostê Kurdan payan ser o yî. 7 serrî ra heta 70 serrî bi hezaran kesî welatanê sey Almanya, Avustralya, Swêd, Îtalya, Avusturya, Fransa, Îngilistan, Îskoçya, Hollanda, Yewnanîstan û sewbîna xeylê cayanê dinya de çalakîyê protestoyî ameyî viraştene.
Çalakîyan de beyraqe û posterî ameyî akerdene û siloganê sey ‘Katil Erdogan’, ‘Heme dagîrkerî Rojawan ra bicehimê’, ‘Katilê domanan Erdogan’, ‘Wa bicuyo piştîdayîşo mîyanneteweyî’ û sewbîna ameyî eştene. Çalakîyan de hêrişê dagîrkerî yê artêşa Tirkî ameyî lanetkerdene û dewletanê Ewropa ra ame waştene ke wa vera dagîrkerîye de bivinderî.
BRUKSEL