Bi wesîleya Roşanê Kede û Paştdayîşî yê 1ê Gulane xeylî bajaranê Ewropa de rayraşîyayîşî ameyî organîzekerdene û roşanê kedkar û karkeran bicoş ame pîrozkerdene.
Bajarê Rotterdamî yê Hollanda de, bajarê Stuttgart, Saarbrucken, Braunschweîg, Gottîngen, Kassel û Ulmî yê Almanya de, bajarê Anaversî yê Belçîka de, bajarê Vîyana yê Avusturya de, bajarê Kopengahî yê Danîmarka de û bajarê Tolouse yê Fransa de bi hezaran kesî ameyî têhet û çalakîyê tewir bi tewirî viraştî.
Çalakîyan de bale ancîya tecrîd û grevê vêşanîye ke seba wedarîyayîşê tecrîdî dewam kenî ser. Xeylê dezgeyê kurdan, sîyasetmedar, sendîka û dezgeyê ewropayijan zî beşdarê çalakîyan bîyî. Çalakîyan de sîyasetmedaran qisey kerdî û kerdişanê dewleta tirkî rexne kerdî. Çalakîyanê tayê cayan de vilawekê ke derheqê tecrîd û xoverdayîşan de melumat dayênê, ameyî vilakerdene.
AMED