Bi wesîleya serrgêra 37. ya Rojeyê Mergî ya 14ê Temmuza 1982î sere de Ewropa û xeylê cayanê bînan de çalakîyê vîrardişî ameyî viraştene û kadroyanê rayberan yê PKKyî ra Kemal Pîr, Mehmet Hayrî Dûrmûş, Alî Çîçek û Akîf Yilmaz ameyî vîrardene.
Çalakîyî welatanê sey Almanya, Hollanda, Awusturya û sewbîna cayan de çalakîyî ameyî viraştene. Bajarê Koln, Berlîn, Frankfurt, Mannheîm û Kasselî yê Almanya de, bajarê Lîmasol û Den Haagî yê Hollanda de, bajarê Lînz, Vîyana û Grazî yê Awusturya de çalakîyî ameyî viraştene.
Xeylê dezgeh û temsîlkaranê rêxistinanê komelî yê sîvîlan beşdarê çalakîyan bîyî û destek dayî çalakîyan. Çalakîyan de derheqê muhîmîya 14ê Temmuze de qiseykerdişî ameyî kerdene û sînevîzyon ame nîşandayene. Çalakîyan de qala muhîmîya rojeyê mergî ameye kerdene û bale ancîyaye mîrasê rojeyê mergî ser. Çalakîyan de fotografê şehîdanê 14ê Temmuze ameyî aliqnayene û mûmî ameyî tafînayene.
Heto bîn de Endamê Konseyê Serekîye yê Pêroyî yê KCKyî Dîyar Xerîb ke çend rojî verê netîceyê hêrişê dewleta tirkî de şehîd bibi zî ame vîrardene. Reyna Çalakîyan de hêriş û dagîrkerîya dewleta tirkî yê vera başûrê Kurdîstanî de ame şermizarkerdene.
ANF / BRUKSEL