Ey Kurdo!Ti zanê Fîlîstîn de yew Fîlîstînij destek nêdana partîyanê Îsraîl.
Zê Lîqud, Kadîma û Partîya Karkeran înan.
Ti çira rayanê xo danê AKP?
Ti çira AKP de ca genê?
Ey Kurdo!
Ti zanê!
Fîlîstîn de mekteba verênî ra heta zanîgehan perwerde pê ziwanê erebîyo.
Ti zanê!
Fîlîstîn de sermîyanê Fîlîstînî şarê Fîlîstîno.
Ti zanê!
Polîsê Fîlîstînî, şarê Fîlîsîtîn ra yo.
Ti zanê!
Fîlîstîn de meclîsa Fîlîstîn esta.
Ey Kurdo!
Ti zanê!
Yew Fîlîstînij şero, partîya Îsraîl de cabigero û destek bido partîya Îsraîl, hetê şarê Fîlîstîn ra zê sucdar yeno vînayîş. Dima ra yeno cezakerdiş. Yew Fîlîstînij însane hina ra qisey nêkeno.
Pêronê şarê Fîlîstîn însanê hina ra vano xayîn.
Çi hetê Xezza beno, çi hetê Şerîa beno, çi hetê Qudîs beno eynî çî esto.
Zobî dinya de yew şarêk bîn ne partiyê dagirker de ca geno, ne zî rayê xo dano partîyanê dagirker.
Yew Pers(Fars) rayanê xo nêdano partîya tirk. Yew Ereb rayanê xo nêdano partîya tirkê dagirker.
Ey Kurdo!
Ti çira rayê xo danê tirkê dagirker?
Ey Kurdo!
Kamî qirkerdişê Roboskî kerd?
Kamî çeteyên DAÎŞ, El Nusra û Ahrari Şam şirawitî ser Şengal, Kobanê, Serêkanîyê û Efrînê, Helebê?
Ey Kurdo!
AKP pêronê nê qirkerdişan kerd.
Ey Kurdo!
Kamî Serhildanê Kobanê de (6-7-8-9 Cotmeh) 50 Kurdê welatparêz kiştî?
AKP, polîs û eskerên AKP, çeteyên Hîzbulkontra Hudapar yê girêdayî AKP.
Ey Kurdo!
Kamî Cizîre Botan de Nîhat Kazanhan, Bariş Kurt înan kiştî?
Polîsê AKP!
Ey Kurdo!
Kam hêrîşê bane HDP û HDP’yîyan keno?
AKP û çeteyên AKP.
Ey Kurdo!
Pêro çîyê Fîlîstîn estî. La reyna şarê Fîlîstîn rayê xo nêdano partîya Îsraîl û partîya Îsraîl de ca nêgeno.
Ey Kurdo, dewleta tirk yew heqê to qebûl nêkeno. Ti reyna seyî partîyê tirk de, AKP de ca genê û rayê xo dane AKP?
Şerm nîyo, eyb nîyo!
Mavaji ti înan nêzane, la şîîrê Ehmed Arîfî yê bi nameyê “Tutêke Name Adîloşî” zî nêzanê. Bi ewnî Ehmed Arîfî no şîîrê çi vato:
Ti mar deyaye,
Hîrê roj ma ti vêşan verdaye.
Hîrê rojî nêlewnaye.
Çend rojî çimê to girêdaye.
Tûteka Adîloş,
Nêleqnaye ke ti nêweş nêkewê,
Verîna ra hina ameyo çirê ke,
De newe vazde hingilî ser hinî,
Vazde ser û gird be...
Nê
Mar û şanemarê bindê şakîlanê,
Nînan,
Çim verdayo
Nan û arîşde ma,
Nînan rind bişinasnê,
Rind bişinasn û pera pîl bibe.
No, mamûs o.
Kunye ma de neqirnayo.
No zî sebr o,
Jehr-zincar- û axu ra agozîyayo.
Xo nînan ra bipêşî
Ninan ra bipêşî û pera pîl bibe.”
Ey Kurdo!
Zê Ehmedê Arîf vato, AKP’ya mar û şanêmar bişinasnê.
Bizanê ke AKP dişmenê to ya.
Rayê xo medi dişmenê xo.Rayê xo medi AKP.
Rayê xo bide partîya xo.
Rayê xo bide HDP.