Maya YPJij Erîk Scurfîeldî, Vasîlîkî Scurfîeld xoverdayişê kurdan ra û semedo ke lajê ey bi rûmet gird kerdêy spasîya xo ard ziwan û dest bi qisêy xo kerd û vat: “Ez spasîya xo şarê kurd ra kena ke kurdîy şoreşeke pîroz danêy û lajê min bi rûmet kerdê ra ez sereberz a.”Hetê bînî ra zî spasîya xo semedê hetkardoxê Wezaretê Vakurî Qubat Talabînî ra zî ard ziwan ke malovanîya ke semedê mêrdeyê ay mojnayê ra kerd. Scurfîeld xaleke herî muhîm zî wina nîşan kerd: “Semedo ke kurdîy dormeyê xaleke de bîyê jû perçe û xoverdayişeke gird danê ra ez zaf kêfweş a. No semedê amayişî zaf muhîm o. Ez spasîya xo heme kesêy ke keda îna xoverdayişê verbê DAIŞî de esto kenê û kamikan ardimê ma û kurdan kerdo ra serfirazî wazena.”
Fek maeşê xo berada
Scurfîeld semedê lajê ard ziwan ke ey maaşa xo ca de terna û şi verbê DAIŞ şer kerd û wina dewam kerd: “Lajê min lejkereke bi pere nêbi. Yewnanistanî de girweyê xo ê welatî ard ca ra pey beşdarê Hêzê Dengizî Kralîyeta Îngîlîzan bi. Pereye ke weş zî girotê. Ey semedo ke neheqî qebûl nêkerd verbê DAIŞî beşdarê şerê bi û cuyayişê xo da. O zî zey tikey kurdêy ke Şengalî de şarê sivîlî ra korîdor akerd de wezîfeyê xo ard ca û nêverda ke şengalijîy zê bêrêy qirkerdiş. No rewşa ey dilê birîtanijan de ameyo hûnayişî."
Scurfîeld ey semedê lajê xo sereberzeya xo ard ziwan û wina dergî da qiseyê xo: “Lajê min tu rayan semedo ke çîyeke bero viraştiş zor nêdayê kesê. Heme çîyê ey bi dilviraştiş bi. Semedo e ey di dilê xo de şerkerdişê verbê DAIŞî ra biryar da ez zaf sereberz a. Ey bê ters semedo ke şarêy mazlûm bişikyê kultirê xo, ziwanê xo, bawerîya xo, muzîka xo û hunera xo bîarê ca ra beşdarê şerê verbê mazlûman bi. Bi tewreke bîn o keso ke hetkardox bi. Ma vîra mekerêy ke lajê min tenê qehreman nîyo û ez zî maya ke tenê yad gena nîyanê. Şerwanêy enternasyonalan hetî de nezî 500 mayê şerwanê comêrd û cenîyan zî yad tepiştêy. Ma vîra mekerêy ke bi hezaran cenîy amey remnayiş û zey kole amey rotiş û raştê mameleyan ameyê. Nêy tenê nê hewna kesêy ke ma nêzanêy çiçî ameyê serê înan zî estêy.”‘
‘Koletî û Îslamîyet!'
Dergeya qisey xo de mijara mislimantîya DAIŞ ser de zî vindert û ard ziwan ke bi nameyê îslamî zilm û seks kenêy û dewam kerd: “Ez bawer nêkena ke armanca DAIŞî îslam bo. Qirkerdiş, koletî, bezirganeya seksî, geda qetilkerdiş heme çîyê pîs û gemarin DAIŞa terorîstî de esto. Ez bawer nêkena ke qabê dewleta îslamîyetî kenêy.”
‘Bêhetî teresî yo'
Maya şerwanê nasyonalî Scurfîeld veng da merdimêy ke vano ez merdima û waşt ke wa tu kes verbê DAIŞa terorîstî de bêveng nêmano û vat: “Okyanusî de pêlêy qijkekî benêy pêlêy girdîy. Eke ewro verbê kerdişêy terorîst DAIŞî de vengê xo nêvejê se amayişî de do pêlêy qikek bibêy pêlêy gird û dinyayî tehdît bikero. Ey semedî ra lazimo ez vana keso ke verbê DAIŞî vengê xo berz nêkero û bêhetîya xo îlan bikero no ters û teresîya herî gird o. Lazimo ke rengê xo aşkera bikero. Lazimo ke heme kesîy rayîra ke lajê min şopna de bimeşo û têkoşîna ke şikyeno bido medo pey xo.Scurfîeld veng da karmenda ke wa hetkarîya xo kurdan ser de kemî nêkerêy û elegêy ke zirxî ke gule nêravêrnenêy bieşrawê înan rê ke bi şerwanêy kurdan çîyeke meyro wina qedîna: “Ewro şewanê kurd zey 300 Spartayijêy ke verbê Persan de şer kerdî la bi çekan nê bi ruh û dilê xo şer kerdêy. Çimkî kurdan da mojnayiş ke bê çek senî şer yeno qezençkerdiş û serkewtiş senî beno.”
LONDON