ZEYNEP DURGUT JINNEWS / COLEMÊRG
Serra 2016î de qezaya Geverî ya Colemêrgî de qedexeyê tebervejîyayîşê kuçeyan amebi îlan kerdene û netîceyê ci de bi hezaran tax û keyeyî ameybî rijnayene. Heto bîn ra xeylê kesî zî ameybî qetil kerdene. 79 rojê qedexeyan de, 9ê Nîsana 2016î de Jêhat Dogma zî bi 13 guleyan amebi qetil kerdene. Maya Jêhatî Kiymet Dogmaye babete ser o qisey kerde.
Kiymete dîyar kerde ke ti merg bi qasê merdişê lajê aye, aye rê giran nêameyo û wina dewam kerde: “Gama ke Gever de qedexe ame îlan kerdene, bajarî gilêşê xo ver bi merdiş û kiştişê akerd. Tena bêvengî û tarîtî estbî. Ez zî o wext vejîyaya. La Jêhat keye de mend. Berxikê mi sivîl bi. Tu guneyê ey çinêbi.”
Dayîke wina domnaye: “Rojêke mi gêra va ‘Dayê kimyasal erzenê banan’. Dimayê nê xeberdayîşî telefon qutbi û mi xebere lajê xo ra nêgirewt. Dima ra TV û înternet de xeberî servîs kerdî. Lajê mi bi kîmyasal qetil kerdî û dima ra 13 guleyî panayî. Vanê ke ma kîmyasal nêxebitnayo. Eke wina bo çira rîyê lajê mi nêameyêne nas kerdene, çira cenazeya ey perçe perçe bîybî? Perçeyê ey seba otopsî eşrawitî Erzîrom. Ez bi rayîrê qaçaxîye şîya mi cenazeyê lajê xo ard. Ez bi lajê serîberz bîya seba nê mi hesirê xo nêvarnayî heta ke mi ci defin kerd. Ez do heta peynîya emrê xo xover bida. Heta ke kiştoxê lajê mi hesab nêdê, mi rê aramî çin a.”