Di serê înternetê kutuga weçînitişî kontrol bikerî ke şima qeydkerdeye nê qeydekerdeye.

1- Hûmarê kamîya T.C.ye şima; di heme karê fermîyetî de çi heyfo ke lazimeya welatijan hûmarê T.C.ye ra est o, eke hûmarê T.C. şima çînê bo şima nêeşkenê karê fermî bikerî. Şima eşkenê ser keyenîşana sîteyê http://goo.gl/Z1mBli hûmarê T.C.ye bimusî. Şima ser no sîteyê nameyê şaristan, hûmarê cîlt, qeza, rêzê malbatê û hûmarê kesayetî xo nusenî û peynî hûmarê T.C.ye xo musenî.

2- Qeyda kutuga weçînitişî; ganî şima ser înternetî kontrol bikerî kutuga weçînitişî ra qeydkerdeye nê qeydkerdeye bimusî. Eke şima qeydkerdeye nêbî, no demî ganî welatijan ser sîteyê YSKe https://secmen.ysk.gov.tr/ysk/secmenBilgiYurtdisi.jsp bikewî û qeydexe bivirazî.

3- Eke şima kutuga weçînitî ra qeydkerde nêbî: eke kurdistanijekê di teberê welate de cuyeno se ganî konsolosîya Tirkîyaye ra ya zî temsîlkarîya teberî ra bi şaxsî şîrê û formê beyana keyenîşanî bar bikerî û peynî zî no formu verba îmzeyê teslîm bigêrî. Kam şaristanan ra bila bibo eşkeno Navendê Îrtîba Wewçînayişê ya HDPe û komeleyeke HDPe ra hetkarî danî nê forman peyda bikerî. Hişyarî; eke di qeyda kutuga weçînitî de keyenîşanî şima di Tirkîyaye de cayeke nîşan dano se, ganî şima temsîlkarîya teberî ra serpiro bidî û formu ya keyenîşan bar bikerî. Hişyarîyake muhîm serpirodayişê bi mektube nîno qebulkerdiş. Ganî şima temsîlkarî ra bi pasaportê xo serpiro bidî. Di qeyda kutuga weçînitişî şima de eke keyenîşana şima sewbî welate de yo se, hewna ganîyo ke şima formu ya keyenîşanî bar bikerî. Finak eke şima verên Munîhe de roniştî se û kutuga şima di noca de yeno se mojnayiş, şima ganî seba şuxulnayişê rayê Serkonsolosîya Munîhe ra şîrê la şima eşkenê serpirodayişê verên reyde kutuga xo sewbî şaristanî ra zî bikirişî.

4- Eke şima kutuga weçînitişî ra qeydekerdeye se; seba şuxulnayişê rayê şima eke şîyê konsolosî û temsîlkarîyî, gere di serê şima de bi hûmarê T.C.ye yew kamî bibo. Na kamî zî pasaport zî beno. Eke ser kamîya şima de hûmarê T.C. çînyo se ganî şima şîrê Konsolosîya Tirkîyaye.

5- Key ez rayî bişuxulna; YSK, di weçînayişê serekkomarî de pergala randevuyê şuxulnaybî la YSK na pergala hewana û no ser zî şima eşkenê bi randevugirewtişê rayî xo bişuxulnî. Seba weçînayişê pêroyine di Ewropaye 8 gulan 2015 de şuxulnayişê rayî destpê bikero û hetanê 31 gulan 2015 zî dewam bikero la şuxulnayişê rayê tay welatan bedilyeno. Zey welatê Almanya, Fransa û Swêde welatijan eşkenî 24 roje rayê xo bişuxulnî. Navendê şuxulnayişê rayî do di mîyanê 10.00 û 19.00 de bibo.

6- Ez do kura de rayê xo bişuxulna: eke şima di Tirkîyaye de bibî se şima eşkenê heme şaristan, qeza, mezra û dewê Tirkîyaye de rayê xo bişuxulnî. Eke şima di Almanyaye de bibê no demê şima eşkenê nê şaristanan de rayê xo bişuxulnê; Berlîn, Stuttgart, Frankfurt, Dusseldorf, Koln, Essen, Munîh, Munster, Hannover, Karlsruhe, Hamburg, Nurnberg, Mainz. Eke şima di welata Fransaye de bibê, şima eşkenê di mîyanê 8 gulan û 23 gulane de rayê xo di 6 serkonsolusî de rayê xo bişuxulnê; Parîs, Strasbourg, Lyon, Marsîlya, Nantes û Bordeaux. Di switzerland de şima eşkenê di mîyanê 24 roje de rayê xo Bern, Zurîh û Cenevreye de bişuxulnê. Di mîyanê 30 û 31 gulane de di Londona Îngîlistane yew keyenîşana Serkonsolusîya Tirkîyaye de rayê xo bişuxulnî. Di Irelande de zî tena welatijan 31 gulane Dubline de rayê xo bişuxulnî. Di Avusturyaye Vîyana, Salzburg û Brengenze de eşkenê rayê xo bişuxulnî. Di Hollandaye de zî welatijan di mîyanê 29,30 û 31 gulane Rotterdam û Deventere de rayê xo do bişuxulnê. Belçîkaye zî di Avers û Bruksele de welatijan eşkenî di mîyanê 24 roje de rayê xo bişuxulnî. Danîmarkaye zî welatijan eşkenî di mîyanê 24 roje Kopenhage de rayê xo bişuxulnî. Fînlandeye zî di Helsînkîye 31 gulane de rayê bêro şuxulnayiş. Di mîyanê 29, 30 û 31 gulane Roma û Mîlanoye Îtalyaye de zî welatijan do rayê xo bişuxulnî. Di Osloya Norvece zî di mîyanê 22 û 31 gulane de welatijan eşkenî rayê xo bişuxulnî. Di mîyanê 30 û 31 gulane de Atîna, Pîre, Selanîk, Rodos û Gumulcîneye de welatijan eşkenê rayê xo bişuxulnî.

 

Berê gumrukî

Welatijan eşkenê di berê gumrukî zî rayê xo bişuxulnê. Welatijeke di teberê welatî de rayê xo bişuxulno. Rayê nê welatijan, bi rayê heme tirkîyayijan di 7 hezîrane de bêro hûmartiş. Ganî welatijê ma hetanê peynî ewlehîya rayê xo bipawî. Tabî na babete de tewr gird wezîfeyê ser HDPe û welatperweran keweno.

 

Beşdarbîyîşê xabatê

Taybetê pêroyina Tirkîya û Ewropaye de xebatê weçînayişê bi koordîneyê deshezaran kesî reyde yena kerdiş. Şima eşkenê di Tirkîya û Ewropaye de tewr nêzdî meclîsê taxe, navenda komeleye û HDP û DBPe ra serpiro seba weçînayişê bikerê. Zey welatijê Tirkîyaye, bextwaştoxan zî eşkenî kamîya bi hûmarê T.C. rayê xo bişuxulnî. 


 NAVENDA XEBERAN