Di salvegera çaremîn a Qirkirina Şengalê de, Kurdistanî wê li 20 bajarên Elmanyayê çalakiyên protestoyî li dar bixin. Hevserokên NAV-DEM’ê daxuyaniyek da û ji bo êrişên çeteyên DAIŞ’ê yên 3’ê Tebaxa 2014’an ên li Şengalê got, “Ev komkujî ne tenê li dijî Kurdan, ne tenê li dijî jinên Kurd ên Êzîdî hatiye kirin. Komkujî li dijî mirovahiyê, bi taybetî li hemberî hemû jinan hatiye kirin.” NAV-DEM’ê ji bo êrişên qirkirinê yên sala 2014’an got, “Yê ku plana vê komkujiyê amade kir dewleta AKP’ê ya mêtinger faşîst e. Yê ku bingeh ji êrişê re amade kir, zêhniyeta PDK’ê ye. Cihanê tenê li vê êş û feryadê temaşe kir û xwe kerr kir. HPG/YJA Star û YPG/YPJ bi hawara civakê ve ku li ber tinebûnê bû, beziyan.” NAV-DEM’ê diyar kir ku li dijî êrişên dagirkerî û qirrkirinê wê li gelemperiya Elmanya û Ewrûpayê roja 3’ê Tebaxê çalakî bên lidarxistin û ji bo çalakiyan banga beşdariyê kir. Cihên çalakiyan li Elmanyayê NAV-DEM´ê cihên çalakiyan jî wiha dan zanîn: BERLÎN, meş û mîtîng sät 17:00´an li Brandenburger Tor HANNOVER, meş û mîtîng saet 17:00´an li Hauptbahnhofê CELLE, meş û mîtîng saet 16:00´an li Großer Plan 
HAMELN, mîtîng saet 17:00´an li Am Hochzeitshaus SULINGEN, mîtîng saet 16:00´an li Langestr. WALSRODE, mîtîng saet 16:30´an li Wochenmarktplatz/Bad Felingbosten GOETTINGEN, mîtîng saet 16:00´an li Gaenseliesel (Am Rathaus) OLDENBURG, mîtîng saet 15:00´an li Hauptbahnhofê BREMEN, mîtîng saet 15:00´an li pêşiya Parlamenta Bremenê ACHIM, mîtîng saet 16:00´an li Obernstr. BIELEFELD, meş û mîtîng saet 16:00´an li Hauptbahnhof WESEL, meş û mîtîng saet 17:30´an li Feldmarkê ESSEN, mîtîng saet 18:00´an li Willy-Brandt-Platz Hbf FRANKFURT, mîtîng saet 17:00´an li Zeil, Brockhaus-Brunnen SAARBRUECKEN, mîtîng saet 18:00´an li Europagalerie KOBLENZ, mîtîng saet 17:00´an li Hauptstr. 41 MUENCHEN, mîtîng saet 17:00´an li Marienplatzê.  NAVENDA NÛÇEYAN