Komîteya lihevhatinê avakirin
Êzdiyên herêmê dozên xwe yên navxweyî û yên din jî tînin ber destê komîteyê û li vir tê lêkolînkirin û li gorî taybetmendiyên Êzdiyan tê çareserkirin. Têkildarî xebatên komîteyê Endamê Rêveber ê Komîteyê Ebdo Cemîl destnîşan kir ku dema doz ji aliyekî tê ber destê wan, komîteya wan bi awayekî awarte dicive û doza ku ji wan re hatiye lêkolîn dike. Cemîl, da zanîn ku piştî lêkolînê ew serî li herdû aliyan didin û li gorî êzdîxanê çareseriyekê dibînin. Cemîl, diyar kir ku dema pirsgirêk di nava kesekî êzdî û kesekî musilman de be jî ew di riya komîn û meclîsên heyî lêkolîn dikin û pirsgirêkan çareser dikin.
Pirsgirêkên jinan çareser dikin
Cemîl, got ku piraniya pirsgirêkên wan civakî ne û ew li gorî adet û nirxên civakî çareser dikin û wiha got: “Piraniya caran herdû alî razî dibin. Di dema rêjîmê de tu pirsgirêk ne dihatin çareserkirin.”Endama Jin a Komîtyê Ranya Cafer jî da zanîn ku dema di pirsgirêkê de jin hebe ew wekî endamên jin civînên taybet bi jinan re dikin û wiha got: “Ji ber ku em jin in em dikarin bi hêsanî pirsgirêkên jinan çareser bikin.”'Dilê me li Şengalê lêdixe' Ranya got ku ew xwe di hemû warê jiyanê de birêxistin dikin û xwe amade dikin û bang li jinên êzdî yên Şengalê kir ku tevlî hemû xebatan û bi taybet parastinê bidin û got: “Dilê me li Şengalê lêdixe. Divê jinên Şengalê û hemû jinên êzdî tevlî xebatên civakî û parastinê jî bibin.”
ANHA/EFRÎN