Qeyûmê ke bi fermanê Erdoganî amey tayînkerdişî zihnîyetê xo yê faşîstîn rafînenê ver çiman. Badê Giyadînî, nika zî Dêrîk de, zîhniyetê dewleta faşîst xo da ver. Qeyûmê AKP, tabelayê kurdî-tirkî û ermenkî yê şaredarînê Dêrîk hewada. Hurendîya tabelayê bi kurdî, tirkî û ermenkî zî, zey Erdîş, ala tirk vilêncik kerdî.
‘Goş nêdanime qeyûman’
Heto bîn ra, gurekarê şaredarîyan ke qeyûmanê AKP qebûl nêkenê karo ke qeyûmî danê zî nêkenê. Gurekarê Şaredarînê Batman, qeyûmê AKP red kerdî û vatî: “Ma qeyûman nêsilasnenê û pa nêxeftinê. Karkerê banê Şaredarînê ver de nobet tepişenê.” Gurekaranê Şemrex, Kerboran, Dêrîk û Nisêbîn zî, goş nêda fermanê qeyûmanê AKP. Qeyûmê AKP zî, dest bi xeftinayişê AKPijan kerd. Hemseroka sendîkaya Genel Îş ê Dîsk yê Mêrdînî Emîne Esen aşkere kerd ke cayanê bînan ra ardişê gurekaran zî leteyê bê hiqûqînê AKPyo.
NAVENDÊ XEBERAN