Serokwezîrê tirk Recep Tayyîp Erdogan asma gaxane 2002 de Moskova de vat “ eke nêfikrîna mesela kurdî nêbena.”

Asma agustose yê 2005 Amed de vat “mesela kurdî esta, na mesela mesela min a, dewleta ma gunme ebi tarîxê xo bêro têrî.”
Dima onca na mordemekî xêle reye vat “mesela kurdî endî çîna.” 2009 de “açilim” virast û mesela Habur de qedenê.
Sabiyayena qomê kurdî ra tersa, Habur werd.
Oslo de dest kerd qeseykerdîsan, sermiyananê PKK de nîşt ro. Na mavên de xêle gonî verde dê.
Dima payîzê 2011 de şî çeverê Ocalan cinit. Na raye vat “sima gerîllayan peyser bioncê, ma mesela sero qesey keme, halkeme. Çike binê şiya çekan de haştiye nêbena.”
Peyniye de Ocalan bi mesajê xo yê 21ê adare esmer Newroze de herb da vindarnayene. 8ê asma gulane zî gerîllayan dest kerd ci, şî başurê Kurdistanî.
Hetê kurdan seweta haştiye çi ke guret xo ser, bi sermiyanenî ard hurêndî.
Hukumatê AKP jû pakete ra qeseykerdenê, hama kesî nêzonenê zerrê na pakete de çi esto.
Lewê naye de hukumatê dewleta terorîste gune gamî biestenê û raya haştiye rakerdenê. La, hukumatê dewleta terorîste nî gamî nêeştî. Hurêndya gaman estene de qart-qurt kerd. Her tim seweta vinetena demî maneyî kerdî saye.
PKK niyetê xiravinî yê hukumatê AKP famkerdî, asma îlone de peyser ontena gerîlayan vindarnê.
Tornunê Osmanî vatenê “ma ewro pakete keme eskera, meste keme eskera” hama eskera nêkerde.
Eskerakerdîsê KCK ra tepiya hukumatê dewleta gonewere kombiyayîşî viraştî û vat “ma nejdîde pakete keme eskera.”
Ewro na pakete bena eskera. Pakete ra seweta kurdan awrês ya zî borane vejîna, ewro bena beno zelal.
Hama rakerdena pakete ra avê hukumatê AKP çiyê henenî vat, ke qe persmekerê:
1-Pakete de zonê mayan de perverde çîno.
2-Na pakete de çîyê ke sima xeyal nêkenê estê.
3-Bi na pakete Tirkiye de şoreş beno.
4-Nî verniyazî yê, qerar meclîse dana.
5-No karê mutbax yo ma kerdo.
6-Eke 2 serrî Tirkiye de PKK nêcerîme fekê xo, PKK qedîna.
7-Bendê weçînîs nêno war.
8-TMK nêvurîno.
Meselan niya halkenê. Nî qeseyî pêro azayanê hukumatê AKP vatî. Pekî na pekete de çi esto? Naye zî ma erwo vîneme.