Rewşa OHALî de bi Qerarnameyê Hukmê Qanûnî her gure ra kedkar û mamostayî ameybî îxrackerdiş. Kedkarê ke îxraç bîbî seba debara keyeyê xo muracatê cayanê cîya-cîyayan kerdî. Mamostayê Egîtîm Senî Abdullah Korkmazo ke 43 serreyî yo zî înan ra yew o. Kormazî mamostayî ra dima Amed de dikanê çîgkufte akerd.
Korkmazî qala prosesê akerdişê dikanî kerd.Korkmazo ke zewecnaye û wayîrê yew domanî yo qiseykedişê xo de va ‘her çî tena karmendî nîyo’ û wina dewam kerd: “18 serrî yo ke ez mamostayî kena. Mabênê mi û wendekar û keyeyê wendekaranê mi zaf baş bî. Wexto ke mi keyeyê xo Sîlopî ra kiriştêne Amed mi xebera îxrackerdişê xo eşnawit.”Korkmazo ke eslê xo de rihayij o, qiseykerdişê xo wina qedêna: “Ez gureyê viraştişê çîgkufteyî baş kena. Cok ra mi qerarê akerdişê dikanê çîgkufteyî da. Prosesê akerdişê dikanî de embazê mi yê mamosta û esnafî zaf hetkarîye dayî mi. Felsefeya cuya ma de sere ronayîş çin o. Ma do her tim tekoşîn bidî. Seba cuyêka bişeref, têkoşînêko bişeref şert o.”
AMED