RÊNAS REMO / ANHA/QAMIŞLO
Dewleta Tirk Rayber Abdullah Ocalan ser o tecrîdo giran şuxilnena. Girawa Îmraliyî de adir vejyayî bî û peynîya veşyayişê adirî pêroyina Kurdistan û Dinya de çalaki ameybî viraştiş, vera nê çalakîyan zî Dewleta Tirk nêçare Rayber Ocalan, birayê xo Mehmet Ocalan reyde da pêvînayişkerdiş. Rayber Ocalan demê pêvînayişê mesajê muhîm dayê.
Nê mesajan ser o pîrê aşîretî Ebdulrehman El-Reşîd qise kerd û vat ke Dewleta Tirk bi zaneye Girewa Îmraliyî de adir vet, waşt bi no adirî îradeya şarî bişikna la peynîya bertek û çalakîyan nêçare destûr da ke pêvînayiş bêro kerdiş.
El-Reşîd aşkera kerd ke persfektîf û fikrê Ocalanî mîfteyo çareserî yê, çimkî Ocalan mintiqa weş şinasneno, no ser zî qewetê bandorker zî tersenê ke fikrê Ocalanî bandorîya înan têk bêro, no ser zî tecrîd yeno şuxilnayiş.