Îdarekar Alî Kemal Çinarî hesabê xo yê twitterî ser o pare kerd ke ey fîlmê xo yê bi nameyê Mabên de (Di Navberê De) youtube ser o bi hawayêkê bêpereyî seyrkerdoxan rê akerd. Çinarî verê cû zî fîlmê xo yê ''Gênco''yî înternet de vila kerdbi. Fîlmê Gêncoyî qala çêrêkê ''superî'' keno. Fîlmê Mabên de zî qala Osmanî keno. Osman eşkeno kurdkî fam bikero la nêeşkeno qisey bikero û eşkeno tirkî qisey bikero la nêeşkeno tirkî fam bikero. Senaryoyê fîlmî zî hetê Alî Kemal Çinarî ra nusîya. Fîlme de Osman Çinar, Fatoşe Yildiz, Îhsan Şakar, Gulbîne Bozan û Seyîthan Çinar kay kenê. Fîlm hewteyêk youtube ser o do bêro mojnayene. MERKEZÊ XEBERAN