Kurdistan de sereştişanê dewlet de xelyek bajarî talan bî.Taybet de Cizîr, Sur, Silopya, Hezex, Nisêbîn û Gever ser û bin bî. La welatijî rixmê pêrê keratiyê wahar erdê xo veciyenê û bajaranê xo newe ra înşa kene. Semedê wahar veciyayîşê cayanê xorayverîn kampanyayê ke dest kerd ci pê girdbiyayîşa ramenê.
Hemserokê Komela Paştdayenê Rojava ê Enqere Arîf Yildiz kampanya ser qal kerd. Yildiz yewbiyayişê waxtê tekoşînê Kobane vist vîrî û vat: “Paştdayenê Kobanê pêrê dinya rê serkewtin ard. Inke zî gerek ma pê rûhê Kobanê wahar Bakur biveciyê.”
Roj roja paştdayen a
Yildiz arde zûne ke, kampanyayê way-biray rê zaf eleqa esto û va: “Goreyê îxtîyacan, paştdayenê kêma û şar ra waşte ke, bi sebebê aşma Remezan wa fitre û zekatê xo bişawî Gever.” Yildiz dazûnayene ke komela înan 2 aşm burs zî da wendekaran û eke îmkanê înan bibe, ê nayî rê dewam kenê.
Hemserokê Komela Paştdayenê Rojava ê Ankara Arîf Yildiz bi nê vatenan veng da şarî: “Gever, Nisêbîn û cayanê bînan semedê ma pêroyin tekoşîn kerd, êr zî noyê ma ya. Êr roj, roja paştdayenê û wahar veciyayîşa.Wa ço (kes) mevajo îmkanê mi çînî her kes dest ra yew çî yeno. Qij nîyû zî gird la her kes mûhaqaq gerek yew çî bikerê.”
DÎHA/ENQERA