Parlamenterê HDPyî yê Stenbolî Alî Kenanogluyo ke eynî wext de ronayoxanê Federasyonê Elewî Bektaşî ra yo, endamê Ocaxê Hubyarî yo zî. Kenanogluyî heta nika xeylê neheqîyê ke elewî û bindestan rê bîyî, kiriştî rojeva meclîsî û pêşnîyaz persî dayî.
Kenanogluyî dêsê odeya xo ya meclîsî de fotografanê pîr û rayberanê elewîyan aliqnayî. Dêsê odeya Kenanogluyî de fotografê Haci Bektaşi Welî, Pîr Sultan Abdal û pîranê Ocaxê Hubyarî ra Hubyar Sultanî estî. Kenanogluyî bi aliqnayîşê fotografan, eynî wext de çîyêko sifteyîn rê rayberîye kerd. Reya sifteyîne ya ke meclîs de fotografê nê pîr û rayberan yenî aliqnayene.
Kenanogluyî dîyar kerd ke her parlamenter goreyê muhîmîya xo, fotografan aliqneno, ey zî fotografanê pîr û rayberanê xo aliqnayo.
PÎRHA / STENBOL