Fûarê Kitaban yê Amedî ke 7 serrî yo her serre bi hawayo nîzamin yeno viraştene, emser zî do 28ê Êlule de dest pêbikero û heta 6ê Teşrîna verêne bidomîyo. Fûar do reyna Merkezê Kongre û Fûarî yê Amedî yê TUYAPî de bêro viraştene.
Seba fûarî xeylê nuştox, şaîr û weşanxaneyî ameyî dawetkerdene. Nuştoxê sey Canan Tane, Ahmet Tellî, Mîne Sogute, Altan Oymen, Lal Laleş, Şeyhmûs Dîken, Selîm Temo, Berken Bereh, Şener Ozmen, Kemal Varol, Ayşe Hure, Erdogan Aydin, Îsmaîl Beşîkçî û sewbîna xeylê kesî do beşdarê programanê fûarî bibî. Reyna 130 weşanxane û dezgehê komelî yê sîvîlan prosesê fûarî de 75 panel, atolye û aktîvîteyanê bînan organîze bikerî.
AMED