Kurdistan û Tirkîya de vilabîyayişê Vîrûsê Koronayî domyeno, Tirkîya de hûmara kesê ke vîrûsî ra kewtê nêzdî 100 hezarî ra resa û çarçiweyê tedbîrî vera Vîrûsê Koronayî zaf şahî û merasîm ameyê betalkerdiş. Mîsal Fuarê Kitabê Îzmîrî yê 25ine ameybî plankerdiş ke mabenê rojê 11ê nîsan-19ê nîsana 2020î de bêro viraştiş labelê fuar çarçiweyê tedbîrî vera Koronayî mabenê rojê 30ê gulan û 7ê hezîrana 2020î ra ameybî taloqkerdiş. Goreyê xebera parsomenfanzin.comî no ray tarîxê fuarî ame dîyarkerdiş fuar do mabenê rojê 28ê teşrîn û 26ê kanûna 2020î de Rasteyê Fuarî yê Îzmîrî de bêro viraştiş. Nuştox û şaîr Veysel Çolakî ke îzmîr de cuyeno û Çolak do fuarî ra sey meymano rûmet beşdar bibo. Fuar de cuya û eserê Çolakî ra bêrî behskerdiş. TUYAP zî seba ci kitabo xela do çap biko. MERKEZÊ XEBERAN