Taximê Futbolî yê Cinîyan 1955 Batmanspor, vatişê ‘futbol kayê camêrdan o’ bedilna û nîşanê her kesî da ke heme cinîyî eşkenî futbol kay bikerî.
Futbolbaza 1955 Batmansporî Ayşe Înala 19 serreyî vist vîrî ke ewil keyeyê aye vera kaykerdişê ci yê futbolî de vejîya, labelê wexto ke dîyî ke a qerardar a, keyeyê aye zî qebul kerd û nika piştî danî ci. Înal vana Futbol kayê camêrdan nîyo, cinîyî zî eşkenî kay bikerî.
Suzan Sayacaye zî bi nê vatişan behsê sanika xo ya futbolî kerd: “Antrenorê Sîîrtsporî mi reyde kewt têkilî û kaya mi temaşe kerd. Dima ra seba mi lîsans vet. Ez êdî dormeyê xo ra piştî gêna. Songul Alkişe ya 19 serreyî zî va ‘Eke cinîye biwaza eşkena heme çî bikera. Ganî cinîyî tena keye de nêmanî, spor zî bikerî.
DÎHABER/ÊLÎH