Wareyê cuyayîşî de cenîyan rê rolê ke ameyê dayîş cenî nê rolan qebul nêkenî û her wareyî de xo avêr benî. Cenî huner ra edebîyat, edebîyat ra sîyaset, sîyaset ra spor zaf waran de ca gênî. Taximê cenîyan yê Amedsporî zî vera zîhnîyetê camêrd de têkoşîn danî û taximê futbolî de kay kenî.
Dîrektorê teknîkî Newroze Gone derheqê xebata fitbolî de qisey kerd û vana: “Ma wexto ke nameyê Amedspor girewt deplasmanan de ma tim û tim raştê hêrişê nîjadperestî ameyê la ma fek nê karî ra veranêda.” Gone dîyar kerd ke wendekarê taximê cenîyan yê Amedsporî zî semedo ke futbol kay kenî zaf kêfweş ê. Kaykerdoxê cinî yê Amedsporî vanê ke her çiqas zî futbol hetê serdestan ra semedê pere qezençkerdiş yeno zanayîş la esasê xo de kayêko baş o.
AMED